Ziwanê milçikan
Musnaye de hemi qijan ra we bi
Tik teyna o laji girya perwerde
Herkes ra ciya unciya ci perde
Qefle qefle feylesofan da ci ders
Îna bi rezi persîvi sera pers
Wext bêwext o paşa cûye terekna
Ûmir xo pelpeli girewt ferekna
O qijî qijkeki bi paşa dima
Bi pîli vernîye zanayan çima
Nê kayî kaykerdi nê qijê dîy zana
Serdestana geyra heyran qurbana
Edî qerar denio xorti tenya
Yew roji şi saydi lîng quye ceyna
Raşte^ yew saydvanî zûrker ame
Tede doste kerdo o paşt û qeyme
Qalkerdişe o saydvanî ridya zaf
Nêewnîya ho çi vano zûr, xilaf
Pê eyî hewe xo ardi lîng lîng
Tedê şi^ dîwane reqs, çeng û çîng
Nêvato paşayo orra û qora
Vat: no cûye rind o ez dûr a çira
Keyf û şeyi^ya şimito werdî
Lingê her yew qehpî o dîy xo verdi
Çî zerdi tede bîy hemi o şara
Goreye dilê xo bi sarxoş qara
Paşa o saydvan bîy di biraki
Sey mase o kuya o saydvan naki
Girewto saydvani xo de teyberdo
Bi verêr ‘û serêr’ ho kursî serdo
Paşa çi qerari eke bigiro
Persê xo fîneno o seke pîro
Çi qerari girewt kerdo xeleti
Welatî bi dicê û bîy dileti
Feylesofan kerdo nêkerdo nêbi
Dima biewnî yew çî kerdo sebi
Xona tewiryeke şi qixa gila
Xo gore wendînen o dergo dila
Kewti lewani no hale feylesof
Vicyabo yew dara kerdînen of of
Paşayi^ eşnawit şi vêr eya dar Veng
kerdo ci û vat: hêf bî wari
Ti ra denenî ra qîrî û qarî
Paşa ti ra persa vat: no çi halo
Qey ziwane xo de nêkeno qalo
Yew feylesofî o kerdi bo tême
Vat: ziwane milçika ho keno lome
O musa ziwane heme teyr û tûr
Eyera ho keno îna qîr û qûr
Paşa pa ataysa vat: ho se vano
Bîyare ziwani pîro mugano
Saydvanî her di lew mor diye piri
Vat: paşa ho keno seke pirpiri
Ters tersi mendo pa saydvani tersa
Tersê vîyê xo ra ca mendo qersa
Feylesefo bîni kewto bînate
Vat: paşa me nayê qîxî û vate
Ti destûri danî ez to ra vajî
Çi me na dano piri to rî pajî
Destûri sera o kal kerdo tede
Pê giştana çey çî vato mend pede
O zî qara vat: heywaxi sebeno
Xeletê paşay sareye o weno
Tersê gane xo vera paşa bi may
Vatêye zanayan sera rona pay
Bînate dîyara weşe^ ronîya
Têtori şiktaye koxê qedîya
Paşa zî xeletê xo dîy po veti
Poşmani bi kerdînê xo o seti
O feylesofi zî fêki kerdo raşt
Da paşaye^ xo nik û newe ra paşt
Perwerdo girani o ecizna bi
O visti bo dûri rî culizna bo
Xeyalê o kewti’b zûrkeran desti
Feylesof pê qixî o saydvan visti
Eciza meverdi mevisne çewi
To ra abenî roverdîyen lewi
Nêzanê eşkeno bipeşo deki?
Kuyeno nêquri penci û feki
Vicyeno dari qixeno zanaye
Bîndara beno huşki nêzanaye
Bifikir bivaje hende îlmê xo
Medo şikitişi ti qelemê xo
Omer Faruk ERSOZ
